Bibienda

Fundashon Birgen di Rosario ta ofresé diferente forma di bibienda pa hende grandi, ku enfoke riba nan nesesidat di kuido i independensia. Nos meta ta pa krea un ambiente kómodo i sigur, na unda e grandinan ta sinti nan mes mas tantu posibel na kas, manteniendo  nan kalidat di bida. Nos formanan di bibienda ta varia di akomodashonnan kompletamente ekipá pa hende grandi ku nesesidatnan di kuido intensivo te ku unidatnan na eskala chikitu ku sosten kaminda ta nesesario. Tambe nos ta ofresé estadia kòrtiku pa kuido temporal i reaktivashon, di manera ku e kuidadónan informal (‘mantelzorger’) ta haña alivio temporalmente. 

Nos timnan profeshonal di kuido ta sòru diariamente pa kuido personal, sosten den dunamentu di remedi, alimentashon, kuido korporal i mantenshon di outo-sufisiensia  di e habitantenan. Guianan di aktividat ta organisá programanan variá, manera obra di man, muzik, gemnastik, landamentu i eventonan sosial spesial, ku ta stimulá aktividat fisiko, mental i kontakto sosial. Banda di kuido i aktividat nos ta ofresé e grandinan e posibilidat tambe pa biba independiente, ku sosten, di manera ku nan mes por duna nan bida forma i tòg keda ku akseso na kuido ora ta nesesario.