Kontinuashon di proyekto ‘Huntu Grandi den mi Bario’

Den yanüari 2018 Fundashon Birgen di Rosario i Fundashon Nos Ansiano Foster Plan a lansa e proyekto ‘Huntu Grandi den mi Bario’. Grandinan for di 60 aña ku ta biba den barionan Wishi, Marchena, St. Helena, Welgelegen i bisindario por partisipá na diferente aktividat ku ta tuma lugá tur djaweps for di 9 or di mainta te ku 5 or di atardi den Hòfi Wayaká.

Ku sosten finansiero di Samenwerkende Fondsen Cariben e tremendo proyekto aki por kontinuá! Nan ta kontribuí ku e meta pa saka grandinan for di nan isolashon i pa stimulá nan partisipashon den komunidat.