Banda di nos kuido regular, Fundashon Birgen di Rosario tin servisio i fasilidatnan èkstra ku ta sostené tantu grandinan komo komunidat. Meta ta pa engrandesé e kapasidat finansiero di e fundashon pa asina por invertí mas den kuido pa grandinan.
Nos ta ofresé diferente posibilidat:
- Santu Sakrifisio di Misa djadumingu mainta 11or den kapèl di Habaai.
- ‘Tafeltje Dekje” – Kuminda pa buska òf ku por keda entregá na kas.
- Hòfi Wayaká – Un hòfi di enkuentro bèrdè riba tereno di Habaai disponibel den wikènt, na unda grandinan por relahá, partisipá na aktividat òf selebrá eventonan spesial. E hòfi ta disponibel tambe pa fiesta i enkuentro, ku fasilidatnan manera tualèt i espasio pa stashoná outo.
- Posibilidatnan pa hasi propaganda – empresanan por pone bòrchi di propaganda òf pone propaganda riba muraya òf riba e tereno, unda ku e entradanan ta bini na benefisio di e grandinan.
Pa medio di e servisio èkstra aki nos por lo por mehorá kuido den forma kontinuo i na mes momentu mantené un ambiente bibu i aktivo pa e grandinan.
