17 Feb Jump up pa hende grandi

Pa e di dos biaha Fundashon Birgen di Rosario a organisá un tremendo jump up pa grandinan di Huize Welgelegen/Habaai, Richardushuis, Nos Lanterno i Pasadia Mi Amparo. Grandinan por a kana den e marcha i asta hende den ròlstul por a partisipá i disfrutá di e evento aki. Tabatin entre otro bùs, outo i ‘trolley train’ disponibel pa transportá e grandinan.

Fundashon Birgen di Rosario a haña yudansa di Bos di Hubentut, Brigada di Seguridat i Formasho i Krus Kòrá Kòrsou durante e jump up. E tema di aña aki ta: Fantasia den fondo di laman. E grandinan a usa material di naturalesa i material resiklá pa dòrna nan paña.