Un kapítulo nobo

Bo ta realisá bo mes ku bo mester mas kuido? Òf bo ta preokupá pa un miembro di famia ku a kuminsá ta lubidá òf ku tin un gran nesesidat di kuido? E desishon pa laga otro persona ta na enkargo di (un parti) di bo kuido of e kuido di un ser kerí, ta impaktante. Aparte di konsiderashonnan práktiko, manera e eskoho di e nivel di kuido korekto, tambe aspektonan emoshonal ta hunga un papel importante. Di e otro banda, biba den nos institushon di kuido no solamente ta un eskoho práktiko, sino tambe ta un paso pa un etapa di bida mas riku i signifikativo. Nos trahadónan sosial dediká ta komprondé e desafionan ku ta bini ku esaki. Huntu ku bo nan ta buska e solushonnan ku ta trese un balansa den e kuido nesesario i e deseo pa por keda enbolbí. Deskubrí kon Fundashon Birgen di Rosario, komo un eksperto den kuido, por yudabo haña e solushonnan ku ta pas ku e nesesidatnan di abo, bo mayor i/òf i bo famia stimá.

Planea bo kòmbersashon orientativo

Na momento ku bo skohe pa nos fundashon, e prosedura di atmishon ta start. E promé paso den e prosedura di atmishon ta enserá un intake (kòmbersashon orientativo) ku un di nos trahadonan sosial dediká. Durante e kòmbersashon aki, nos lo atendé huntu bo nesesidatnan di kuido, kaminda bo aporte ta forma e base pa un relato orientativo detayá. Tambe nos trahadó sosial lo papia ku bo tokante di bo opshonan di finansiamentu di bo estadia serka nos, sea bo ta paga bo mes of e pago ta bai via di seguro òf otro fiansadó. Despues ta presentá e relato aki na nos Komishon di Atmishon, kaminda spesialistanan di kuido i médiko ta selektá kuidadosamente e departamento ku ta pas ku bo situashon personal. Di un di nos trahadónan sosial bo ta risibí informashon tokante e departamento kaminda bo ta bai biba òf pasa dia, meskos ku e dia i orario di bo atmishon.

Un kapítulo nobo den bo bida

Mudansa pa un kas di kuido pa grandinan ta nifiká komienso di un etapa nobo di bida. Un komienso nobo ta enserá hopi biaha ku bo mester tuma despedida di bo manera kustumbrá di biba. Nos trahadó sosial por yuda bo ku konseho tokante di loke bo mester trese pa estadia den nos institushon. Un atministrashon minusioso ta kontribuí na un ambiente di kuido sigur i personalisá. Pa brinda un traspaso adekuá, nos ta rekomendá futuro kliente pa pone tur dokumento nesesario huntu i komparí esakinan ku e trahadó sosial. Bo koperashon pa duna i adaptá dokumentonan relevante ta di balor inkalkulabel.

Tuma kontako ku nos trahadónan sosial

Ta un privilegio pa nos ku bo ta konsiderando skohe pa e kalor, kuido i apoyo ku nos ta ofresé. Tuma kontakto awe mes ku nos trahadónan sosial via di e link aki òf pasa libramente durante di e orarionan indiká.