Boluntarionan ta indispensabel pa nos fundashon. Tin biaha hendenan grandi ta sinti nan mes so i esaki por kondusí na problema síkiko, manera miedu i keho di depreshon. Diariamente Fundashon Birgen di Rosario ta organisá aktividat pa tene e grandinan mentalmente i físikamente salú.
Bo tin algun ora liber? Nos ta apresiá hopi si bo ta pone bo tempu disponibel pa nos grandinan pa tene un kòmbersashon ameno ku nan, partisipá na nos aktividatnan òf bira kordinadó di evento. Nos fundashon ta buska boluntario enbolbí, entusiasmá, di tur edat, ku fásilmente por hasi kontakto, i ku ta servisial i alerta.
Nos a lanta bo interes? Tuma kontakto e via e numbernan di telefòn +5999 462 3121/8433121, ekstenshon 2119 i ekstenshon 2118.