15 Jan Huntu grandi den mi bario

Dia 11 di yanüari 2018, Fundashon Birgen di Rosario i Fundashon Ansiano Foster Plan a lansa e proyekto ‘Huntu grandi den mi bario’. E meta di e proyekto aki ta pa saka grandinan for di nan isolashon i pa stimulá nan partisipashon den komunidat.

Grandinan for di 60 aña ku ta biba den barionan Wishi, Marchena, St. Helena, Welgelegen i bisindario por inskibrí pa partisipá na aktividatnan ku Pasadia Mi Amparo ta organisá den Hòfi Wayaká.  Kontribushon tur siman ta solamente Naf 5 pa persona. Pa mas informashon por yama 462-4247 toestel 1111 òf 1100.