Donashon

Fundashon Birgen di Rosario ta dependé prinsipalmente di supsidio di gobièrnu, ku no ta yega pa kubri tur gastu. Insufisiente medio a kondusí na retraso riba diferente tereno manera, formashon di personal, mantenshon di edifisio i difikultat ku kumplimentu ku kondishonnan di personal.

E falta di medio akí a retrasá konsiderablemente e invershon nesesario den e sektor di kuido, di manera ku e fundashon ta den un situashon kaminda e ta hopi dependiente di disponibilidat di negoshi i fundashon hulandes òf di Kòrsou pa donashon òf donashon di produkto, manera kama di hòspital, ròlstul, rollator i diferente produkto di enfermeria i kushina.

Pa bira miembro òf donatùr di Fundashon Birgen di Rosario, bo por duna un kontribushon pa nos haña mas finansiamentu.

Tin diferente benefisionan importante pa abo komo miembro di nos fundashon. Komo miembro bo por:

  • hasi uso benefisioso di e fasilidatnan di Fundashon Birgen di Rosario manera Hòfi Wayaka i nos sala di reunion.
  • promové bo kompania na públiko;
  • integrá bo logo riba nos wèpsait;
  • kontribuí na optimalisashon di kuido pa grandinan den nos komunidat.

E kontribushon pa miembronan ta ANG 120,00 pa aña. Si dado kaso e montante ei ta pasa bo forasa, e tambe ta posibel pa paga un montante di por lo ménos ANG 75,00 pa aña. Por favor hasi un transakshon bankario na number di kuenta di MCB: 87222500 na nòmber di Stichting Birgen di Rosario i agregá “Lid BdR” den e deskrisphon.

 

Stichting Birgen di Rosario

na nòmber di het Secretariaat BdR

Weg naar Welgelegen 64

Willemstad, Curaçao

Por favor manda un email na birgen@birgendirosario.com, na nòmber di ‘Het Secretariaat BdR’  indiká ku bo tin interes pa bira miembro. Nos lo pidi bo pa yena un formulario di inskripshon i pa manda esei bék pa nos.

Bo ke hasi un donashon? Esei tambe ta posibel. E montante bo por transferí na number di kuenta di MCB: 87222500 na nòmber di Stichting Birgen di Rosario. Por favor pone den e deskripshon: “Donatie BdR”. Danki di antemano!

 

A traves di añanan e fundashon a risibí numeroso donashon: SKANfonds, Oranje Fonds, Fonds Sluyterman van Loo, Stichting Samenwerkende Fondsen, USONA, Isla, Reda Sosial, Stichting Shon Wé Evertsz, Care Service Nederland, Stichting Wilde Ganzen den koperashon ku Stichting Elisabeth, Zusters van  Roosendaal, Stichting Elias S. Maduro, Broeders van Onze Lieve Vrouw van Lourdes i Stichting Thomas van Villanova.

 

A usa e donashonnan akí entre otro pa:

  • Konstrukshon di un kushina institushonal nobo na Richardushuis.
  • Konstrukshon di un sala di rekreo nobo na Richardushuis.
  • Bibienda nobo (biba riba eskala chikitu) pa hende grandi independiente na Richardushuis.
  • Adorno i desaroyo di Hòfi Wayaká.
  • Un sentro sikogeriátriko na Pasadia Mi Amparo.
  • Renobashon di bentana i porta na Huize Welgelegen.
  • Ekspanshon di nos parke di vehíkulo; outo i un bùs di ròlstul.
  • Renobashon i ekspanshon di nos inventario (kama, ròlstul, stul pa den baño i tipo di kosnan asina).
  • Medio pa uso den aktividat pa grandinan.
  • Finansiamentu di estudio pa ‘ Ziekenverzorgende’ (6 ZV).

Bo tambe ke hasi un kontribushon?

Tuma kontakto e ora ei ku señora Sheila Busby na e numbernan di telefòn +5999 462 3121/8433121, ekstenshon 2119. Ta posibel tambe pa hasi un transferensia pa e kuenta di banko di Fundashon Bírgen di Rosario, MCB: 872.22.500.