Puesto pa Notulista Raad van Toezicht

 

PUESTO PA NOTULISTA DI REUNIONAN RAAD VAN TOEZICHT

Fundashon Birgen di Rosario ta buska un notulista pa e reunionan di Raad van Toezicht (RvT). E notulista ku nos ta buska lo sostené RvT ku elaborashon di informe sin fayo pa entre 4-6 reunion anual di 2 ora. Riba dia di reunion, e notulista lo sòru pa ta presente na ora, sea físikamente òf digital, i lo elaborá e informe for di e grabashon den su propio tempu.

Tareanan

  • Traha e agenda;
  • Skirbi i redaktá e reunionan di RvT;
  • Manda e dokumentunan pa reunion na tempu.

 

Perfil

  • Nivel di pensa i traha di HBO/WO ku posibel eksperiensia den kuido;
  • Maneho ekselente di papia i skirbi na hulandes i papiamentu;
  • Flèksibel, íntegro, analítico i presis;
  • Eksperiensia ekstenso ku Microsoft Office i Internet (e.o. video meeting);
  • Resistente na strèss i puntual;
  • Gusta traha independiente.

 

Fundashon Birgen di Rosario pa 78 aña kaba, ta brinda kuido di kalidat na habitante di 60 aña bai ariba. E fundashon ta traha pa un bida aktivo i saludabel di hende grandi. Na total, Birgen di Rosario tin 5 lokalidatnan, Richardushuis, Nos Lanterno, Huize Welgelegen, Klooster Alverna i Pasadia Mi Amparo. Alabes nos ta brinda hende grandi independiente e posibilidat di biba den kas di lèn.

Si abo ta e persona ku nos ta buska, manda nos bo karta di motivashon i cv na s.hinkert@birgendirosario.com