Pa mehorá Fundashon Birgen di Rosario su abilidat finansiero pa para riba su propio pia, nos mester krea otro posibilidat di finansiamentu.
Den futuro ta nos intenshon pa bai koperá mas intensivo ku otro fundashonnan pa yega na un grado mas haltu di efisiensia. Banda di esei nos ta purba haña entrada èkstra ofresiendo propaganda riba muraya, i hür nos salanan di reunion i tambe Hòfi Wayaká. Ademas nos ta ofresé e servisio di Tafeltje Dekje na tur hende ku ke bestèl kuminda serka nos.
E plaka ku e fundashon ta risibí pa e servisionan èkstra akí, ta na benefisio di e grandinan.
