Crowdfunding

Duna un man na nos grandinan! 

 

Fundashon Birgen di Rosario tin kasi 80 aña trahando ku hopi amor, pashon i dedikashon pa nos grandinan. Nos Fundashon ta manehá sinku lokalidat; Richardushuis, Nos Lanterno, Huize Welgelegen, Klooster Alverna i Pasadia Mi Amparo. Banda di esei, nos grandinan tin e posibilidat pa biba independiente.

Yegando 80 aña di eksistensia sigur nos a konosé momentunan bunita i inolvidabel pero tambe nos ta haña nos mes ku desafionan, manera entre otro e parti finansiero. Lamentablemente nos grandinan ta un grupo ku pa gran parti ta wòrdu lubidá den nos komunidat. I hustamente awor mas ku nunka mester di nos sosten. Pa por sigui duna e servisio tòp, nos kasnan di kuido tin nesesidat di muebles- i materialnan ku por yuda e kliente den su bida diario. Tur esaki ta un gran invershon i pa e motibu aki nos ke pidi pueblo di Kòrsou pa koperá ku nos den e ‘crowdfunding’ aki, spesial pa nos klientenan tan stimá. Kada granito ta yuda!

 

Kon bo por hasi e pago?

  • por skohe pa hasi transferensia bankario via MCB 872.22.500
  • Hasi bo kontribushon na e diferente buzonnan rònt Kòrsou.

 

Di kurason, masha danki pa bo kontribushon!